Bandaríska kvennalandsliðið byrjar af miklum krafti á HM kvenna í Frakklandi. Þær bandarísku eru ríkjandi Heimsmeistarar, en þær mættu Taílandi í kvöld.

Alex Morgan skoraði fyrsta markið á 12. mínútu og flóðgáttirnar opnuðust við það. Staðan var 3-0 í hálfleik, en í seinni hálfleiknum gerðu Bandaríkin hvorki meira né minna en 10 mörk.

Lokatölur 13-0. Hreint út sagt ótrúlegt, en þetta eru tölur sem ekki eiga að sjást á svona stóru móti.

Það er hægt að sjá mörkin á vef RÚV með því að smella hérna.

Þetta er stærsti sigurinn í sögu HM kvenna. Alex Morgan átti sannkallaðan stórleik. Hún skoraði fimm mörk og lagði upp þrjú. Hún er önnur til að skora fimm mörk í einum leik á HM. Það gerðist síðast 1991 og var það Michelle Akers, einnig frá Bandaríkjunum, sem gerði það.

Hreint út sagt ótrúlegur sigur hjá Bandaríkjunum sem eiga næsta leik við Síle á sunnudag. Tæland á leik við Svíþjóð þann sama dag.

Svíþjóð hafði betur gegn Síle fyrr í dag.

INCREDIBLE 🇺🇸

The @USWNT breaks the all-time record for biggest win in World Cup history as Alex Morgan scores FIVE 🔥 pic.twitter.com/tej675abnH

— FOX Soccer (@FOXSoccer) June 11, 2019