Grétar Sigfinnur Sigurðarson
Grétar Sigfinnur Sigurðararson, leikmaður Þróttar R. í Inkasso-deildinni, var auðvitað svekktur með að fá ekki alla vega stig út úr leiknum gegn Keflavík í kvöld. Lasse Rise sá til þess að Keflavík myndi taka öll stigin.
Lestu um leikinn: Keflavík 1 - 0 Þróttur R.
„Þetta var leikur tveggja frábæra liða sem eru í efstu sætunum og eftiráhyggja fannst mér þetta jafnteflisleikur. Það var X-faktor sem þurfti til að skora í þessum leik og geggjað mark sem hann skorar en á móti er þetta stöngin út og bjargað á línu hinum megin á vellinum," sagði Grétar við Fótbolta.net.
„Þetta voru góðar varnir beggja liða. Það er svekkjandi að hafa alla vega ekki fengið stig út úr þessu."
Grétar segir að Keflavík hafi í raun aldrei náð að opna liðið og að þetta hafi svolítið verið stöngin út hjá gestunum.
„Þetta var á síðasta þriðjungnum þar sem við vorum alltaf að koma okkur í stöður en náðum aldrei að opna þá. Þetta var stöngin út þar, bókstaflega og það er pirrandi að hafa ekki nýtt þetta og áttum í engum vandræðum með þá og þeir opnuðu okkur aldrei og ég held að þeir hafi ekki átt færi í leiknum. Eftir fast leikatriði ná þeir að opna okkur og býr til eitthvað úr engu og skorar geggjað mark."
Þróttur er þrátt fyrir þetta áfram í toppbaráttu. Fylkir og Þróttur eru bæði með 30 stig í öðru og þriðja sæti.
„Við þurfum að hugsa um hvað er í gangi hjá okkur. Þetta er enn undir okkur komið og eigum Fylki eftir svo við þurfum að vinna þá, það eru sex leikir eftir og þetta er búið að vera mjög ásættanlegt í sumar," sagði hann ennfremur.
Hægt er að sjá viðtalið í heild sinni hér fyrir ofan.
Stöðutaflan
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 0 | 0 | 0 | 0 | 0 | 0 | 0 | 0 | 0 | |
