11.08.22 - 20:50
Ívan Guðjón Baldursson
Enski deildabikarinn: West Brom sló Sheffield Utd úr leik
Karlan Grant gerði eina mark leiksins.
Mynd: EPA
Karlan Grant gerði eina mark leiksins.
Mynd: EPA
West Brom 1 - 0 Sheffield United
1-0 Karlan Grant ('73)
West Bromwich Albion tók á móti Sheffield United í eina leik kvöldsins í enska deildabikarnum og jafnframt stærsta leik fyrstu umferðar bikarsins.
West Brom var talsvert betra liðið á vellinum í dag og stjórnaði gangi leiksins. Karlan Grant skoraði á 73. mínútu og reyndist það eina markið í verðskulduðum sigri.
Hálf Championship deildin er nú þegar dottin úr leik eftir eina umferð og eru þrettán úrvalsdeildarfélög að bætast við keppnina í næstu umferð sem hefst 22. ágúst.
Sjö síðustu úrvalsdeildarliðin mæta loks til leiks í þriðju umferð.
