PSG datt út úr Meistaradeild Evrópu á dögunum eftir 3-1 tap gegn Real Madrid en eftir leikinn átti sér stað óumflýjanleg atburðarás.

Leikmenn rifust inn í klefa og forseti félagsins, ásamt Leonardo, yfirmanni íþróttamála, lentu upp á kant við dómara leiksins.

Samkvæmt fréttum síðustu daga er það ljóst að Mauricio Pochettino, þjálfari liðsins, er á förum og mun yfirgefa félagið eftir tímabilið ásamt Kylian Mbappe sem er að ganga í raðir Real Madrid á frjálsri sölu.

PSG er þá í leit að nýjum yfirmanni íþróttamála en Leonardo verður sagt upp störfum. Mikil óánægja er með störf hans og vill félagið fá Fabio Paratici frá Tottenham í stað hans.

Al-Khelaifi, forseti PSG, var skipað á fund með eigendum félagsins í Katar eftir að liðið datt úr Meistaradeildinni og voru næstu skref rædd en það er útlit fyrir að hann hætti sem forseti félagsins en þetta segir Molina.

Talið er að Angel Di Maria og Neymar gætu einnig yfirgefið félagið í sumar og verður gerð allsherjar hreinsun innan félagsins áður en það reynir aftur við Meistaradeildina á næsta tímabili.