Breiðablik heldur áfram að kalla menn til baka úr láni en Ólafur Guðmundsson er kominn aftur til félagsins frá Keflavík. Þetta kemur fram á Instagram-síðu Keflavíkur.
Ólafur er fæddur árið 2002 og uppalinn hjá Blikum en hann var lánaður til Keflavíkur í lok júlí.
Blikar hafa hins vegar ákveðið að kalla hann til baka úr láni og mun hann spila með liðinu út tímabilið.
Ólafur spilaði þrjá leiki með Keflavík í Lengjudeildinni.
Þetta er annar leikmaðurinn sem Blikar kalla til baka en félagið fékk Stefán Inga Sigurðarson aftur frá Grindavík í gær.
Athugasemdir
