UEFA hefur staðfest að öllum fyrirhuguðum leikjum í 16-liða úrslitum Meistaradeildarinnar og Evrópudeildarinnar í næstu viku hefur verið frestað vegna kórónuveirunnar.
Búið var að fresta leik Manchester City og Real Madrid í Meistaradeildinni sem og leik Juventus og Lyon.
UEFA hefur nú tilkynnt að öllum leikjunum hafi verið frestað.
Búið er að fresta deildarkeppnum á Spáni, Ítalíu og Frakklandi. Neyðarfundur er hjá ensku úrvalsdeildinni klukkan 10:30 þar sem búit er við að ákveðin verði frestun þar.
Í Þýskalandi verður spilað fyrir luktum dyrum um helgina áður en hlé verður gert á deildinni til 4. april.
Athugasemdir