Þróttur Vogum hefur fengið liðsstyrk í baráttunni sem framundan er í 2.deildinni. Dagur Guðjónsson er kominn til liðsins á láni frá Gróttu.
Dagur er 23 ára varnarmaður en hann getur einnig leyst aðrar stöður á vellinum. Hann er orðinn löglegur og gæti komið við sögu þegar Þróttur mætir Víði Garði á morgun.
Þróttur er í fimmta sæti deildarinnar, fjórum stigum á eftir Kórdrengjum sem eru í 2. sæti. Hermann Hreiðarsson er þjálfari liðsins.
Níunda umferðin í 2.deildinni heldur áfram á morgun eftir hlé en ekkert hefur verið spilað í íslenska boltanum síðan 30. júlí.
Dagur hefur komið við sögu í tveimur leikjum hjá Gróttu á þessu tímabili.
Athugasemdir