Aron Bjarnason lék allan leikinn er Sirius gerði markalaust jafntefli við Helsingborg í efstu deild sænska boltans.
Óli Valur Ómarsson var ónotaður varamaður hjá Sirius sem er um miðja deild með 25 stig eftir 18 umferðir. Helsingborg er aftur á móti í slæmum málum og situr í fallsæti.
Í næstefstu deild unnu Brynjar Björn Gunnarsson og lærlingar hans sinn þriðja leik í síðustu fjórum umferðum. Glæsilegur viðsnúningur á árangri hjá Örgryte sem er komið úr fallsæti og er með 20 stig eftir 19 umferðir.
Örgryte heimsótti Dalkurd í fallbaráttuslag og hafði betur eftir mikinn baráttuleik. Lærlingar Brynjars Björns lentu undir snemma leiks en sneru stöðunni við í upphafi síðari hálfleiks.
Helsingborg 0 - 0 Sirius
Dalkurd 1 - 2 Örgryte
Í norsku D-deildinni voru nokkur Íslendingalið sem mættu til leiks og eru tvö þeirra saman í riðli.
Arnór Gauti Ragnarsson og Valgeir Árni Svansson eru hjá Hönefoss sem rúllaði yfir varalið Hodd og er með 19 stig eftir 16 umferðir.
Birkir Þór Guðmundsson og félagar í Volda eru í sama riðli. Þeir töpuðu sínum leik og eru jafnir Hönefoss á stigum.
Að lokum skoraði Óttar Húni Magnússon í sigri Nardo gegn varaliði Rosenborg. Nardo er í þriðja sæti síns riðils en heilum fjórtán stigum eftir toppliði Junkeren, sem hefur unnið 15 leiki á tímabilinu og gert eitt jafntefli.
Rosenborg2 2 - 3 Nardo
0-1 Óttar Húni Magnússon ('4)
0-2 J. Strand ('20)
1-2 P. Chrupalla ('65)
2-2 Sivertsen Broholm ('74)
2-3 R. Andreasen ('90)
Hönefoss 3 - 0 Hodd2
Volda 2 - 3 Spjelkavik
