„Leikurinn var skemmtilegur, bæði lið fengu sín færi til að klára leikinn. Báðum liðum voru mislagðar fætur fyrir framan markið en ég er ekki að sjá það í fyrsta sinn í sumar," sagði Jón Steindór Þorsteinsson, þjálfari Fylkis, eftir markalaust jafntefli gegn Fjarðab/Hetti/Leikni í Lengjudeildinni í dag.
Lestu um leikinn: Fylkir 0 - 0 Fjarðab/Höttur/Leiknir
„Þetta er búið að vera stöngin út í sumar. Við erum búnar að fara virkilega illa með færin okkar."
Þetta er sjöunda jafntefli Fylkis í röð en það er spurning hvort það sé Íslandsmet fyrir marga jafnteflisleiki í röð?
„Ég hef lítið spáð í það, en þetta er orðið mjög þreytt. Við erum ekki að spila upp á jafntefli. Þetta hefur verið stöngin út. Við höfum farið mjög illa með færin. Ef þú skorar ekki, þá vinnur þú ekki. Þetta er ekki flókið."
„Maður verður að virða stigið, en auðvitað viljum við hafa þau þrjú. Það er ekkert launungarmál."
Fylkisliðið er í uppbyggingu en það er orðið nokkuð ljóst að þær verða áfram í Lengjudeildinni á næstu leiktíð.
Hér fyrir ofan má sjá ítarlegt viðtal við Jón Steindór.
Athugasemdir