Tímabilið hefur verið stór vonbrigði fyrir Madrídarstórveldið sem mun væntanlega enda það með aðeins einn titil - Heimsmeistarakeppni félagsliða.

Zidane tók aftur við skútunni hjá Real í mars og hann segir að leikmenn, sem hafa spilað mikilvæga rullu síðustu ár, gætu horfið á braut.

„Allir mínir leikmenn eru mikilvægir og góðir, en við munum gera breytingar," sagði Zidane.

Leikmenn eins og Gareth Bale, Marcelo og Toni Kroos eru á meðal þeirra leikmanna sem gætu farið. Í staðinn gæti Real reynt að fá stór nöfn á borð við Eden Hazard og Paul Pogba til félagsins.

Madrídingar mæta Leganes í spænsku úrvalsdeildinni annað kvöld.