Oliver Stefáns
Gary Cahill og Grétar Rafn voru samherjar hjá Bolton
Oliver Stefánsson greindist með blóðtappa rétt fyrir neðan háls á dögunum.
Oliver er átján ára gamall Skagamaður sem er á mála hjá Norrköping í Svíþjóð. Hann hefur verið ótrúlega óheppinn með meiðsli frá komu sinni til Svíþjóðar og á dögunum varð ljóst að hann má mjög takmarkað æfa og ekkert spila næsta hálfa árið.
Oliver er átján ára gamall Skagamaður sem er á mála hjá Norrköping í Svíþjóð. Hann hefur verið ótrúlega óheppinn með meiðsli frá komu sinni til Svíþjóðar og á dögunum varð ljóst að hann má mjög takmarkað æfa og ekkert spila næsta hálfa árið.
Miðvörðurinn er á blóðþynningslyfjum og má ekki gera neitt líkamlega erfitt.
„Ég má í raun ekki gera neitt, allavega ekkert líkamlega erfitt, á meðan ég er á þessum lyfjum," sagði Oliver við Fótbolta.net.
„Ég er bara að horfa á æfingar þessa dagana og bíð eftir því að fara í aðra skoðun á mánudag."
„Ég get gert lítið fótboltatengt, nánast ekkert nema verið með á öllum fundum, svo horfi ég á allar æfingar og allt tengt þeim."
Segðu mér aðeins frá þessari skoðun á mánudag.
„Þetta er ekki hefðbundin skoðun. Gary Cahill, sem margir kannast við, fékk nákvæmlega eins og ég fyrir HM 2010. Þetta er mjög sjaldgæft, Aggi umboðsmaður hringdi í Grétar Rafn Steinsson og hann þekkir Cahill. Cahill bauð fram sína aðstoð og að við gætum heyrt í þeim sem aðstoðuðu hann á sínum tíma."
„Það þurfti að taka rifbein úr honum og það verður skoðað hvort sama verði gert við mig. Það gæti verið að það sé of þröngt á milli rifbeinsins og viðbeinsins og þess vegna hafi þessi tappi myndast," sagði Oliver.
Athugasemdir
