Kabore er tæklarinn á myndinni.
Fabrizio Romano greinir frá því að Olympique Marseille sé að ganga frá lánssamningi fyrir Issa Kaboré, 21 árs hægri bakvörð Manchester City.
Kaboré var á láni hjá Troyes, systurfélagi Man City, á síðustu leiktíð og var fastamaður í byrjunarliðinu er félagið lifði fallbaráttuna af í efstu deild franska boltans.
Kaboré, sem á nú þegar 27 landsleiki að baki fyrir Búrkína Fasó, skrifar undir eins árs lánssamning við Marseille með 20 milljón evra kaupmöguleika.
Marseille endaði í öðru sæti á síðustu leiktíð og hefur styrkt leikmannahópinn sinn gífurlega mikið í sumar.
Kaboré mun berjast við Jonathan Clauss, sem var meðal annars eftirsóttur af Manchester United í sumar, um byrjunarliðssæti. Clauss var keyptur til Marseille fyrr í sumar.
Athugasemdir
