Ásgeir Börkur Ásgeirsson.
Ásgeir Börkur Ásgeirsson, fyrirliði Fylkis, var sammála fréttamanni í því að Fylkir hafi ekkert átt skilið úr leiknum gegn Stjörnunni í kvöld. Stjarnan vann 1-0 sigur en bæði lið sigla lygnan sjó.
Lestu um leikinn: Stjarnan 1 - 0 Fylkir
„Við hefðum getað fengið fleiri mörk á okkur í fyrri hálfleik. Það var bara eitt mark og mér fannst þeir ekki skapa sér neinn aragrúa af færum í seinni hálfleik," sagði Ásgeir Börkur.
„Okkur gekk erfiðlega að halda boltanum og við vorum of ragir. Við spörkuðum boltanum fram og það skilaði okkur litlu í dag."
Fylkir hefur bara heiðurinn að keppa upp á í lokaleikjunum.
„Heiðurinn er samt helvíti mikið. Ef menn geta ekki klárað þetta með sæmd eiga þeir að gera eitthvað annað."
Viðtalið má sjá í heild í sjónvarpinu hér að ofan.
