15.03.20 - 15:00
Guðmundur Aðalsteinn Ásgeirsson
Fimm hjá Valencia með kórónuveiruna
Ezequiel Garay birti mynd á Instagram þar sem hann tilkynnti að hann væri með veiruna.
Mynd: Getty Images
Ezequiel Garay birti mynd á Instagram þar sem hann tilkynnti að hann væri með veiruna.
Mynd: Getty Images
Spænska úrvalsdeildarfélagið Valencia hefur tilkynnt að fimm einstaklingar á meðal leikmanna og starfsfólks félagsins séu með kórónuveiruna. Þeir sem hafa greinst með veruna hjá félaginu eru við góða heilsu.
Þar á meðal er varnarmaðurinn Ezequiel Garay, sem varð fyrsti leikmaðurinn úr spænsku úrvalsdeildinni til að tilkynna að hann væri með kórónuveiruna þegar hann gerði það í morgun.
„Það er klárt mál að ég hef byrjað 2020 með óheppni," skrifaði Garay á Instagram.
Þar á meðal er varnarmaðurinn Ezequiel Garay, sem varð fyrsti leikmaðurinn úr spænsku úrvalsdeildinni til að tilkynna að hann væri með kórónuveiruna þegar hann gerði það í morgun.
„Það er klárt mál að ég hef byrjað 2020 með óheppni," skrifaði Garay á Instagram.
Spænsku úrvalsdeildinni var frestað síðasta fimmtudag eftir að leikmenn Real Madrid fóru í sóttkví.
Spánn er það land í Evrópu sem hefur komið næst-verst út úr kórónuveirunni á eftir Ítalíu. Spænsk stjórnvöld hafa tilkynnt að 15 daga útgöngubann taki gildi í landinu á morgun.
Spánn er það land í Evrópu sem hefur komið næst-verst út úr kórónuveirunni á eftir Ítalíu. Spænsk stjórnvöld hafa tilkynnt að 15 daga útgöngubann taki gildi í landinu á morgun.
