Jóhannes Karl Guðjónsson er búinn að skrifa undir framlengingu á samningi sínum sem aðstoðarþjálfari A-landsliðs karla, sem gildir nú út nóvember 2025.
Samningurinn framlengist sjálfkrafa ef Ísland kemst í umspil um sæti í lokakeppni HM 2026 og framlengist einnig sjálfkrafa ef Ísland kemst í lokakeppnina.
Jói Kalli hefur starfað sem aðstoðarþjálfari landsliðsins í rúmlega tvö ár en hann hefur stýrt HK og ÍA á þjálfaraferli sínum, eftir að hafa átt flottan feril sem atvinnumaður í fótbolta og landsliðsmaður Íslands.
Jói er mikill Skagamaður þar sem hann ólst upp á Akranesi og lék fyrir félagið. Sonur hans er Ísak Bergmann Jóhannesson, leikmaður FC Kaupmannahafnar og íslenska landsliðsins sem leikur á láni hjá Fortuna Düsseldorf í næstefstu deild þýska boltans.
Næstu verkefni A landsliðs karla eru vináttuleikir á útivelli við England og Holland í júní.
Athugasemdir
