Atli Eðvaldsson.
Atli Eðvaldsson, þjálfari Aftureldingar, var ágætlega sáttur með að mæta ÍR í 32-liða úrslitum Borgunarbikarsins.
Hann segir þó að Afturelding gæti ekki fengið erfiðari andstæðing úr 2. deildinni, en fagnar því að fá heimaleik.
Hann segir þó að Afturelding gæti ekki fengið erfiðari andstæðing úr 2. deildinni, en fagnar því að fá heimaleik.
Atli er ánægður með undanfarna viku, þar sem hans menn í Manchester City urðu Englandsmeistarar og Afturelding vann í deild og bikar.
,,Þetta er búið að vera mjög góð vika og ég vona að það verði bara fleiri vikur svona. Þetta er náttúrulega erfiðasti leikur á móti 2. deildarliði. ÍR-ingum er spáð sigri í 2. deildinni, þannig að þetta er erfiður mótherji, en við fengum heimaleik, sem er gott," sagði Atli við Fótbolta.net.
Hann er ánægður með byrjun tímabilsins hjá Aftureldingu.
,,Að mörgu leiti mjög gott. Margir þættir af því sem við höfum verið að fara í gegnum hafa spilast okkur í hag í þessum leikjum. Það er mikið verk eftir óunnið, en ef við höldum áfram að vinna í þessum þáttum verðum við sterkir í sumar."
,,Ef maður hugsar um það að það eru 9 úr byrjunarliðinu frá því í fyrra og 14 í heildina sem hafa farið, og samt er okkur spáð að fara upp, mér fannst það svolítið skondið. En við erum hvergi hræddir, þetta er mjög samheldinn hópur og stemningin er góð í Mosfellsbænum. Liðsandinn er frábær og þetta getur orðið mjög gott."
