Kurt Zouma, varnarmaður West Ham á Englandi, er staddur í Sameinuðu arabísku furstadæmunum og bíður átekta eftir að hafa fallið á læknisskoðun hjá Shabab Al-Ahli.
Zouma ferðaðist í síðustu viku til Dúbaí eftir að West Ham og Shabab náðu samkomulagi um miðvörðinn.
Þessi 29 ára gamli leikmaður féll á læknisskoðun og var því búist við að félagaskiptin myndu renna út í sandinn, en viðræður eru enn í gangi við Zouma og umboðsmann hans.
Tvennt er í stöðunni hjá West Ham: Að rifta samningi við Zouma og leyfa honum að fara frítt til Shabab, eða lána hann í eitt tímabil og greiða laun hans, en samningur Zouma við West Ham rennur út á næsta ári.
Félögin eru að reyna finna lausn í þessu máli en Shabab er ekki eina félagið sem er á eftir Zouma og því ólíklegt að hann verði áfram í Lundúnum á komandi leiktíð.
Athugasemdir
