Íslenski landsliðsmaðurinn Guðlaugur Victor Pálsson lagði upp sigurmark Schalke er liðið vann Hannover, 1-0, í þýsku B-deildinni í kvöld.
Það hefur verið mikil umræða í kringum Guðlaug Victor síðustu daga eftir að hann ákvað að draga sig úr landsliðshópnum eftir fyrri leikinn gegn Armeníu.
Guðlaugur vildi einbeita sér að félagsliði sínu en liðið átti leik gegn Hannover í kvöld þar sem hann lék allan leikinn.
Hann lagði upp sigurmarkið í uppbótartíma síðari hálfleiks fyrir pólska varnarmanninn Marcin Kaminski. Það kom glæsileg fyrirgjöf inn í teiginn, sem Guðlaugur skallaði aftur fyrir sig á Kaminski og þaðan í netið.
Með sigrinum fer Schalke upp í þriðja sæti deildarinnar með 19 stig.
Sjáðu markið hér
Athugasemdir