Logi Ólafsson þjálfari Víkinga hefði viljað fá öll stigin í leik þeirra við FH í dag.
"Svona miðað við það að við komumst yfir í leiknum þá hefði ég viljað halda sjó og vinna leikinn, en kannski var þetta sanngjarnt."
"Svona miðað við það að við komumst yfir í leiknum þá hefði ég viljað halda sjó og vinna leikinn, en kannski var þetta sanngjarnt."
Hann taldi lok fyrri hálfleiks og upphaf seinni ekki alveg á pari en var sáttur við varnarframmistöðuna.
"Varnarleikurinn hélt að mestu. FH er frábærlega mannað lið og miðað við okkar gengi í sumar verðum við að vera sáttir".
Eftir sigur Fjölnis í dag er komið meira líf í botnbaráttuna. Næsta verkefni Víkinga er að fara til Keflavíkur, hvernig sér Logi þann leik?
"Við komum á engan hátt til með að vanmeta þá. Við vitum að við þurfum að eiga mjög góðan leik til að vinna þá og það er bara stefnan."
Fyrir leik slepptu heimamenn dúfum til að sýna fram á mikilvægi friðarins. FH-ingar fengu 2 rauð spjöld í leiknum, misskildu þeir eitthvað boðskapinn?
"Þetta voru greinilega einhverjar ófriðardúfur" var svar Loga. Nánar er rætt við hann í viðtalinu sem fylgir.
Athugasemdir