Ronaldo greindist með kórónaveiruna á dögunum og var því ekki með portúgalska landsliðinu sem spilaði gegn Svíum í Þjóðadeildinni en hann var hins vegar með í leiknum gegn Frökkum.

Hann var sendur í sóttkví en ferðaðist aftur til Ítalíu. Ítölsku miðlarnir greindu frá því að hann hefði brotið reglur en bæði Ronaldo og Juventus hafna því og var hann með heimild til þess að fljúga aftur til Ítalíu.

„Ég braut engar reglur. Það er verið að segja að ég hafi brotið ítölsk lög en það er allt saman lygi. Ég talaði við félagið mitt og það er okkar ábyrgð að gera þetta rétt. Þetta var allt gert með leyfi frá heilbrigðisyfirvöldum," sagði Ronaldo á Instagram.

„Ég vil bara segja þetta fyrir þennan ítalska mann sem skrifaði um þetta en þetta er allt saman lygi. Ég fór eftir öllum reglum," sagði hann í lokin.