Birkir Bjarnason er að gera fína hluti með Brescia í Serie B á Ítalíu.
Landsliðsmaðurinn trausti var í byrjunarliði Brescia gegn Empoli á útivelli í dag.
Empoli byrjaði mjög vel og komst í 2-0 forystu eftir 17 mínútna leik. Birkir minnkaði þá muninn fyrir Brescia með marki á 27. mínútu leiksins.
Empoli komst í 3-1 fyrir leikhlé en Brescia minnkaði aftur á muninn á 72. mínútu þegar Alfredo Donnarumma skoraði. Aftur svaraði Empoli því vel, en þeir skoruðu á 85. mínútu og innsigluðu sigurinn.
Lokatölur 4-2 fyrir Empoli sem er á toppi B-deildarinnar. Brescia er í tíunda sæti, þremur stigum frá umspilinu.
Birkir spilaði 84 mínútur en Hólmbert Aron Friðjónsson kom inn á í hans stað.
Athugasemdir