Thomas Delaney, miðjumaður Danmerkur, segir að hópur Dana sé þéttari eftir atburði síðustu viku.
Christian Eriksen, leikmaður liðsins, hneig niður undir lok fyrri hálfleiks gegn Finnlandi. Hann fór í hjartastopp en sem betur fer náðist að bjarga lífi hans.
„Það sem gerðist var hræðilegt, en það er gott að vera í þessum hóp," segir Delaney.
Danir hafa fengið áfallahjálp undanfarna daga, en þeir hafa ekki æft á Parken - þar sem Eriksen hneig niður - síðustu daga. Þeir hafa frekar kosið að vera á æfingasvæði sínu. Danska liðið mun fara á Parken fyrir leik og skoða aðstæður.
Danmörk snýr aftur til leiks á EM í dag þegar þeir mæta Belgíu í Kaupamannahöfn.
Athugasemdir