„Mér fannst þetta ekkert sérstakt í fyrri hálfleik en mér fannst við geta jafna leikinn í 2-2 áður en þær skora tvö síðustu mörkin. Fram að því fannst mér að við værum að fara að jafna leikinn,“ sagði Pétur þjálfari Vals eftir 4-1 tap á móti Þór/KA á Þórsvellinum í dag.
Lestu um leikinn: Þór/KA 4 - 1 Valur
Valur komst í fínar stöður í seinni hálfleik til að jafna leikinn.
„Mér fannst við allavega geta jafnað leikinn en því miður tókst það ekki. Ég óska bara Þór/KA til hamingju með annað sætið.“
Einn leikur er eftir hjá Val á móti Íslandsmeisturum Breiðbliks. Það er hins vegar ljóst að liðið endar í fjórða sæti.
„Við reynum bara að klára þetta eins vel og hægt er.“
Pétur lýsti sumrinu hjá Valskonum í nokkrum orðum í lokinn.
„Sól, rigning og þoka að mestu leiti.“
Viðtalið má sjá í heild sinni hér að ofan.
Athugasemdir
