Ítalska félagið Roma er opið fyrir því að selja argentínska sóknartengiliðinn Javier Pastore en hann kom til liðsins frá Paris Saint-Germain fyrir ári síðan.
Pastore er 30 ára gamall en hefur haft lítil áhrif á sóknarleik Roma frá því hann kom.
Hann hefur skorað 4 mörk og lagt upp önnur tvö í 22 leikjum og samkvæmt heimildum Calciomercato er Roma meira en opið fyrir því að selja hann.
Samkvæmt heimildum vefmiðilsins þá er mikill áhugi frá Kína en hann gæti farið frá Roma í janúar.
Pastore hafnaði brasilíska liðinu Fluminense í sumar af því hann komst ekki að samkomulagi um launapakkann en það ætti ekki að vera stórmál í Kína.
Athugasemdir