Robinho ólst upp hjá Santos og gerði vel með liðinu áður en hann hélt til Evrópu og spilaði með liðum á borð við Real Madrid, Milan og Manchester City auk þess sem hann spilaði í Tyrklandi og Kína.

Hann gerði á dögunum fimm mánaða samning við Santos en helstu styrktaraðilar félagsins voru afar ósáttir við félagaskiptin og ákvað einn þeirra, Orthopride, að rifta samningnum við Santos.

Ástæðan er sú að Robinho var dæmdur í níu ára fangelsi á Ítalíu fyrir að nauðga konu en Brasilíumaðurinn áfrýjaði og er beðið eftir niðurstöðu.

Santos og Robinho hafa því komist að samkomulagi um að rifta samningnum og ljóst að hann mun ekki spila með liðinu á þessu tímabili.