Ole Gunnar Solskjær, stjóri Manchester United, var ánægður með frammistöðu hans manna í kvöld gegn Newcastle.
Man Utd lenti undir á St. James' Park en svaraði með fjórum mörkum og fagnaði sigri í annað sinn á tímabilinu.
Það hefur mikið verið talað um krísu í herbúðum Rauðu Djöflana eftir erfiða byrjun en Solskjær segir klikkað að umræðan sé komin svo langt.
„Við vinnum í því að svara gagnrýnendum en ég myndi ekki segja að það verkefni sér búið í kvöld," sagði Solskjær.
„Þetta er klikkað því við erum búnir að spila þrjá leiki á tímabilinu og fólk talar um risastóra krísu."
Norðmaðurinn tjáði sig einnig um fyrirliðann Harry Maguire sem hefur átt erfiða undanfarna daga og vikur.
„Harry Maguire var frábær í dag að mínu mati, hann skoraði mark og sýndi leiðtogahæfileika. Við erum ánægð fyrir hans hönd, hann hefur átt nokkrar erfiðar vikur."
Solskjær staðfesti einnig að Paul Pogba hafi byrjað á bekknum vegna smávægilegra bakmeiðsla sem hann hlaut í landslisverkefni Frakklands.
Athugasemdir