Roy Hodgson, stjóri Crystal Palace, stýrði sínu liði í 2-2 jafntefli gegn Englandsmeisturum Manchester City í dag.
Hodgson virðist hafa gott tak á City-liðinu á Etihad-vellinum. Á síðustu leiktíð vann Palace 2-1 sigur á City á Etihad. Hodgson er á því að frammistaðan í dag hafi verið betri en í þeim leik.
„Mér fannst frammistaðan í dag betri. Við vorum með mikið sterkara lið í leiknum á síðustu leiktíð. Margir þeirra leikmanna eru á meiðslalistanum."
Hodgson var ánægður með þá VAR-ákvörðun að gefa City ekki víti eftir að boltinn fór í hendi Jairo Riedewald innan teigs. Dómarinn dæmdi víti, en þeirri ákvörðun var breytt eftir VAR-skoðun.
„Það á bara að dæma hendi þegar leikmaður handleikur boltann viljandi," segir Hodgson sem er með Palace í níunda sæti ensku úrvalsdeildarinnar.
Athugasemdir