Búlgörsku landsliðskonurnar, Veronika Gotseva og Inna Dimova, spila með Sindra í 2. deildinni í sumar. Þetta kemur fram í tilkynningu frá félaginu.
Veronika er 29 ára gömul og spilar stöðu miðjumanns. Á síðasta ári var hún valin besti leikmaður búlgörsku deildarinnar og mikill styrkur fyrir Sindra að næla í hana.
Hún er þá fastamaður í búlgarska landsliðinu eins og Inna, sem er 25 ára gömul.
Inna er framherji sem getur spilað allar sóknarstöður.
Félagið er greinilega staðráðið í að gera betur en í fyrra. Sindri hafnaði í 8. sæti deildarinnar og komst ekki í meistarariðil.
Athugasemdir
