Það varð til þess að það var ekki pláss á bekknum fyrir Hjalta Sigurðsson. Hjalti er tvítugur KR-ingur sem leyst hefur hægri bakvarðarstöðuna.

Hjalti var í hópnum í fyrstu þremur umferðunum en þurfti að víkja í gær.

Rúnar Kristinsson var spurður út í hópinn í viðtali eftir leikinn í gær. Er erfitt að taka menn út úr hópnum?

„Já, það er alltaf erfitt. Ég get ekki sagt að ég sé í sömu stöðu og Breiðablik og Valur, sem þurfa að vera kannski með 3-4 Pepsi-deildar leikmenn upp í stúku í hverjum leik. Þetta er alltaf óþægilegt, ég hef verið í þessari stöðu áður og þetta er alltaf leiðinlegt."

„Hjalti er búinn að standa sig vel, við erum að reyna að gefa honum mínútur og gera hann að betri fótboltamanni. Bæði af því hann er góður fótboltamaður og líka af því hann er uppalinn KR-ingur," sagði Rúnar við Baldvin Má Borgarsson, fréttaritara Fótbolta.net.

„Það er bara þannig að við þjálfararnir verðum að velja og í þetta sinn var það Hjalti sem þurfti að bíta í það súra."

„Það er leiðinlegt en svona er þetta, það er samkeppni um þetta allt," sagði Rúnar. Viðtalið má sjá hér að neðan.