Neymar kom til PSG frá Barcelona árið 2017 fyrir 222 milljónir evra en hann er afar ósáttur i Frakklandi og vill komast burt frá félaginu.

Hann var ekki í hópnum í fyrstu umferð frönsku deildarinnar og verður ekki í hópnum gegn Rennes í kvöld en spænsku félögin Barcelona og Real Madrid eru í viðræðum við PSG um að fá hann til Spánar.

Félögin virðast eiga í erfiðleikum með að fjármagna kaupin og er franska félagið því reiðubúið að lána hann út tímabilið með því skilyrði að hann verði keyptur næsta sumar.

PSG hefur hafnað öllum tilboðum sem innihalda leikmenn í skiptum og vill félagið fá að minnsta kosti 220 milljónir evra fyrir hann.

Það verður fróðlegt að sjá hvort félögin nái samkomulagi við PSG en ljóst er að framtíð Neymar liggur ekki hjá PSG.