Byrjunarlið Liverpool og Man Utd: Rashford ekki í hóp

Það er ekki margt sem kemur á óvart í uppstillingu Liverpool þar sem Joel Matip og Fabinho komast aðeins á bekkinn, enda hafa þeir verið að glíma við meiðsli að undanförnu. Joe Gomez og Alex Oxlade-Chamberlain byrja í þeirra stað.

Marcus Rashford er ekki í leikmannahópi Man Utd vegna meiðsla og þá er Jesse Lingard á bekknum. Andreas Pereira fær tækifærið í hans stað.

Daniel James og Anthony Martial eru á sínum stað og þá teflir Ole Gunnar Solskjær fram fimm varnarmönnum. Líklegt er að annað hvort Brandon Williams eða Luke Shaw spili framarlega á vinstri vængnum.

Mason Greenwood er á varamannabekknum ásamt Juan Mata og Eric Bailly sem er kominn aftur úr meiðslum.

Liverpool: Alisson, Alexander-Arnold, Gomez, Van Dijk, Robertson, Wijnaldum, Henderson, Oxlade-Chamberlain, Mane, Salah, Firmino
Varamenn: Adrian, Fabinho, Minamino, Lallana, Origi, Matip, Jones

Man Utd: De Gea, Wan-Bissaka, Lindelöf, Maguire, Shaw, Williams, Matic, Fred, Pereira, James, Martial
Varamenn: Romero, Bailly, Dalot, Jones, Mata, Lingard, Greenwood