Jón Dagur er 23 ára vængmaður sem hefur verið hjá AGF frá árinu 2019. Í síðustu viku var sagt frá því að Lecce væri í viðræðum við Jón Dag og þá hefur hann sjálfur nefnt að hann hefði áhuga á að spila aftur á Englandi en hann fór ungur frá HK til Fulham og lék með unglingaliðum og varaliði félagsins áður en hann hélt til Danmerkur.

Belgíska blaðið segir að Antwerp, sem er undir stjórn danska þjálfarans Brian Priske, sé í leit að leikmanni sem geti styrkt sóknarlínu liðsins en hversu mikinn áhuga félagið hefur á Jóni Degi er óstaðfest. Í grein blaðsins kemur einnig fram að hollenska félagið Utrecht hafi áhuga á vængmanninum.