Wales hefur opinberað 27 manna leikmannahóp fyrir úrslitaleik umspilsins fyrir HM sem og fjóra leiki í Þjóðadeildinni í júní.
Nathan Broadhead, sem lék á láni hjá Sunderland frá Everton í vetur, er í hópnum og gæti spilað sinn fyrsta leik fyrir velska landsliðið. Hann hefur skorað þrettán mörk í 26 leikjum á tímabilinu.
Gareth Bale er á sínum stað í hópnum og sömu sögu má segja um Aaron Ramsey.
Fyrsti leikur Wales er gegn Póllandi 1. júní í Þjóðadeildinni. Svo mætir liðið annað hvort Skotlandi eða Úkraínu þann 5. júní og er það úrslitaleikur um sæti á HM í Katar.
Næst er það svo leikur gegn Hollandi í Þjóðadeildinni þann 8. júní, svo er það leikur gegn Belgum þann 11. júní áður en verkefninu lýkur þann 14. júní gegn Hollandi.
Markverðir: Hennessey, Ward, A Davies
Varnarmenn:B Davies, Rodon, Mepham, Gunter, Norrington-Davies, Roberts, N Williams
Miðjumenn: Allen, Morrell, Ampadu, Smith, Ramsey, Levitt, Matondo, Thomas, Colwill, Wilson, J Williams
Sóknarmenn: Bale, James, Harris, Broadhead, Moore, Johnson.
Athugasemdir