Vandar Haaland ekki kveðjurnar

Styche segir að Haaland, sem er 21 árs gamall, hafi ekki viljað skipta á treyjum við fyrirliða Gíbraltar, Roy Chipolina, þegar landslið Noregs og Gíbraltar áttust við í mars.

„Noregur vann 3-0, en Haaland skoraði ekki og var skipt af velli eftir klukktíma. Hann var í fýlu. Eftir að þeir höfðu báðir farið í sjónvarpsviðtöl, þá sagði Roy: 'Strákurinn minn er mikill aðdáandi þinn, værirðu til í að skipta á treyjum?' Haaland horfði á hann, hló og gekk í burtu."

„Hann getur keypt marga hluti en hann getur ekki keypt sér kurteisi. Kannski er allt fjölmiðlaumtalið búið að hafa einhver áhrif á hann," sagði Styche við The Sun.

„Hann var með tækifæri til að gleðja ungan dreng en afþakkaði það. Enginn af okkar leikmönnum bað um treyjuna hans þegar við mættumst aftur í Osló."