Arijanet Muric markvörður Burnley steig vel upp í dag þegar liðið lagði Sheffield United.
Muric hefur verið harðlega gagnrýndur eftir að hafa orðið sekur um slæm mistök í síðustu tveimur leikjum liðsins.
Vincent Kompany stjóri Burnley hrósaði honum í hástert fyrir frammistöðu sína í dag.
„Hann hefur átt góðar vörslur í hverjum einasta leik. Það er ekki möguleiki fyrir okkur að standa ekki við bakið á leikmönnunum okkar. Við höfum verið mjög berskjaldaðir, við verðum að standa við bakið á þeim leikmönnum sem við höfum. Hann gerði gæfumuninn í dag," sagði Kompany.
Athugasemdir
