Meistaradeild kvenna: Barcelona tapaði fyrsta heimaleiknum í fimm ár

Chelsea vann ansi óvæntan og mikilvægan sigur á Barcelona í fyrri leik liðanna í undanúrslitum Meistaradeildarinnar í dag.

Barcelona er ríkjandi Evrópumeistari og hafði ekki tapað á heimavelli síðan í febrúar árið 2019 áður en kom að leiknum í dag.

Heimakonur voru mun meira með boltann en Chelsea beitti hættulegum skyndisóknum. Eina mark leiksins kom eftir eina slíka og það var Erin Cuthbert sem kláraði sóknina og tryggði liðinu sigur.

Síðari leikur liðanna fer fram í Lundúnum eftir slétta viku.