Hallgrímur Mar er fæddur árið 1990 og hefur leikið 191 leik í deild- og bikar fyrir KA og skoraði í þeim 52 mörk.

Hallgrímur hefur skorað sex mörk á tímabilinu það er að segja þrjú mörk í deild og svo þrjú mörk í bikar en öll mörkin í bikarnum komu gegn Sindra.

Hrannar Björn er fæddur árið 1992 og hefur leikið 118 leiki í deild- og bikar og gert 1 mark. Hann hefur iðulega spilað í bakverði en hefur fært sig upp á vænginn í undanförnum leikjum.

Húsvíkingarnir gera þriggja ára samning við KA en auk þess gerir Ottó Björn Óðinsson þriggja ára samning. Hann er 18 ára gamall og hefur fengið smjörþefinn með meistaraflokk KA.

Hann hefur tvívegis verið í hóp hjá KA í PepsiMax deildinni og þá kom hann inná í 5-0 bikarsigrinum gegn Sindra á dögunum.