Matthías Vilhjálmsson skoraði eina mark FH þegar liðið fór í heimsókn upp á skaga í kvöld þar sem leikar enduðu 1-1. Veðrið og aðstæður gerðu mönnum erfitt fyrir og því var erfitt að spila góðan fótbolta.
Lestu um leikinn: ÍA 1 - 1 FH
„Mér líður bara nokkuð vel, svekktur að vinna ekki leikinn mér fannst við mjög solid í dag. Erfiðar aðstæður og þannig en mér fannst vinnslan í liðinu frábær og ef við leggjum okkur svona mikið fram í næstkomandi leikjum þá fáum við fullt af stigum. Ég myndi segja að frammistaðan hafi verið jákvæð þó að við höfum ekki verið ánægðir að fá ekki 3 stig."
Matthías skoraði með skalla eftir hornspyrnu og var ánægður með sitt mark.
„Það var ljúft að sjá hann inni en það er erftitt að koma upp á skaga og skagamenn gefa manni alltaf alvöru leik en það var ljúft (markið)."
Matthías spilaði á miðjunni í dag en er þó vanur að spila frammi. Eiður Smári Guðjohnsen er nýr þjálfari liðsins og er þetta mögulega eitt af breytingum sem hann ætlar að gera.
„Hann (Eiður) hefur náttúrulega einhverjar hugmyndir um hvað hann vill gera en þeir eru bara nýkomnir og ég er viss um að við munum bara verða betri og betri eftir því sem líður á og þeir fá að drilla inn sínar hugmyndir og kynnast liðinu betur þannig bara mjög spenntur fyrir þessu teymi."
Viðtalið má sjá í heild sinni í spilaranum hér fyrir ofan og þar talar Matthías aðeins nánar um taktísku nálgun FH
