Óskar Örn Hauksson er í byrjunarliði KR sem að nú leikur við Stjörnunar á Meistaravöllum. Leikurinn hófst klukkan 19:15 en Stjarnan leiðir 0-1 eftir mark frá Baldri Sigurðssyni.
Óskar náði merkilegum áfanga þegar Pétur Guðmundsson, dómari leiksins, flautaði leikinn á í kvöld en hann er nú kominn með 300 leiki í efstu deild. Þetta kemur fram í samantekt mbl.is
Birkir Kristinsson er sá eini sem að hefur leikið fleiri leiki en Óskar í efstu deild en hann á 321 leik. Óskar gæti því tyllt sér í toppsætið á næsta tímabili.
Óskar lék í efstu deild með Grindavík á árunum 2004 til 2006 en frá og með 2007 hefur hann einungis leikið með KR.
Tíu leikjahæstu í efstu deild:
321 Birkir Kristinsson
300 Óskar Örn Hauksson
294 Gunnar Oddsson
294 Gunnleifur Gunnleifsson
268 Kristján Finnbogason
267 Sigurður Björgvinsson
267 Atli Guðnason
264 Atli Viðar Björnsson
255 Guðmundur Steinarsson
254 Heimir Guðjónsson
Athugasemdir