Ný leikjaniðurröðun gefin út í dag

„Stjórn KSÍ fundaði í gær og í dag um stöðu Íslandsmóta í knattspyrnu og bikarkeppni karla og kvenna vegna takmarkana og banns við æfingum og keppni samkvæmt bráðabirgðaákvæði reglugerðar heilbrigðisráðuneytis. Á fundinum var eftirfarandi ákveðið:

Að mótum meistaraflokka verði haldið áfram í öllum deildum að því tilskyldu að takmarkanir á æfingum og keppni verði afnumdar eigi síðar en 3. nóvember," sagði meðal annars í tilkynningunni.

Einnig kom fram að niðurröðun leikja með nýjum leikdögum verði gefin út í dag.

Það verður eflaust leikið þétt fram til 1. desember, en í reglugerð KSÍ kemur fram að Íslandsmótinu skuli ljúka fyrir þann tíma.