Vængmaðurinn Stephan El Shaarawy er á leið aftur til Roma á Ítalíu samkvæmt heimildum blaðamannsins Fabrizio Romano.
Romano er mjög tengdur inn í ítalska boltann og segir að El Shaarawy skrifi undir samning á morgun eftir læknisskoðun.
Um er að ræða 28 ára gamlan leikmann sem hefur undanfarin tvö ár spilað með Shanghai Shenhua í Kína.
Fyrir það lék El Shaarawy einmitt með Roma í þrjú ár frá 2016 til 2019 og skoraði þá 26 mörk í 93 leikjum.
Í Kína lék El Shaarawy aðeins 16 leiki og skoraði eitt mark. Félagið leitaðist eftir því að losa leikmanninn af launaskrá í janúar.
El Shaarawy er einnig fyrrum leikmaður AC Milan og á að baki 28 landsleiki fyrir Ítalíu.
Athugasemdir
