BeIN Sports vill að komið verði í veg fyrir kaupin á Newcastle.
Krónprinsinn Mohammed Bin Salman í Sádi-Arabíu er nálægt því að kaupa Newcastle United á 300 milljónir punda.
BeIN Sports, sjónvarpsstöð í Katar, kallar eftir því að enska úrvalsdeildin stöðvi kaup Sádi-Araba á enska úrvalsdeildarfélaginu Newcastle.
Nýir eigendur eru að kaupa Newcastle en um er að ræða fjárfestingahóp sem Amanda Staveley leiðir. Á bakvið hópinn eru mjög auðugir menn frá Sádi-Arabíu og því væntanlega góður peningur að koma inn í félagið ef eigandaskiptin ganga upp.
Mannréttindasamtökin Amnesty International hafa sett stórt spurningamerki við þessi mögulegu kaup.
BeIN Sports setur líka spurningamerki við þau. Sjónvarpsstöðin vill meina að rekja megi margar sjóræningjastöðvar á netinu sem streyma enska boltanum ólöglega til Sádi-Arabíu. BeIN Sports er einn af stærstu rétthöfum enska boltans utan Englands.
Gera má ráð fyrir því að kannski sé eitthvað meira að baki þar sem Katar, þar sem BeIN Sports er staðsett, hefur eldað grátt silfur við Sádí-Arabíu og önnur nágrannalönd undanfarin ár. Sádi-Arabía og fleiri ríki sökuðu Katar árið 2017 um að styðja við hryðjuverkahópa og var vinalegt samband Katar við Íran gagnrýnt.
Yousef Al-Obaidly, framkvæmdastjóri BeIN Sports, sendi bréf ensku úrvalsdeildina og öll 20 félög deildarinnar í þeirri von að komið verði fyrir eigandaskipti Newcastle. Fjallað er um málið í New York Times sem segir að bréfin gætu breytt ensku úrvalsdeildinni í vígvöll fyrir baráttu ríkjanna tveggja.
Paul Hayward, sem er yfir íþróttaskrifum fyrir The Telegraph, skrifar á Twitter: „Hvernig endaði fótbolti svona?"
So, Qatar tries to block Saudi Arabia buying Newcastle, citing TV rights piracy, but also escalating a diplomatic battle between gulf states over terrorism, cooperation with Iran etc.
— Paul Hayward (@_PaulHayward) April 22, 2020
How did football end up like this?
Athugasemdir