Real Sociedad 0 - 0 Girona
Real Sociedad og Girona gerðu markalaust jafntefli í síðasta leik helgarinnar á Spáni.
Heimamenn í San Sebastian áttu fleiri marktilraunir í nokkuð fjörugum leik en inn vildi boltinn ekki.
Real Sociedad hefði jafnað Real Madrid á stigum með sigri hér í dag. Það hefur verið einkennandi fyrir félagið að mistakast að leggja lakari andstæðinga að velli þrátt fyrir margar marktilraunir.
Aðeins tvö stig skilja liðin að í þéttum pakka um miðja deild, þar sem Real Sociedad er í 9. sæti með 12 stig á meðan Girona er í 15. sæti með 10 stig.
Athugasemdir