Jurgen Klopp.
„Velkominn aftur Jose," sagði Jurgen Klopp, stjóri Liverpool, hlæjandi á fréttamannafundi í dag aðspurður út í endurkomu Jose Mourinho í ensku úrvalsdeildina.
Mourinho tók við Tottenham af Mauricio Pochettino í vikunni en hann stýrir Spurs í sínum fyrsta leik gegn West Ham á morgun.
Mourinho tók við Tottenham af Mauricio Pochettino í vikunni en hann stýrir Spurs í sínum fyrsta leik gegn West Ham á morgun.
„Það er gott að fá hann aftur. Hann vildi ólmur snúa aftur, þú sást það á tímanum sem hann var í fríi," sagði Klopp.
„Á hinn bóginn sýnir þetta hvað hlutirnir breyttust fljótt hjá Mauricio. Fyrir fimm mánuðum síðan vorum við að spila í úrslitaleik Meistaradeildarinnar en núna er hann í sumarfríi. Hann getur notið þess núna."
„Hann stóð sig frábærlega hjá Tottenham og var framúrskarandi þjálfari. Ég naut þess að spila leikina gegn honum. Þegar ég heyrði fyrst af þessu gat ég ekki trúað þessu. Svona er þetta. Það verður ekki löng bið í að hann snúi aftur."
Athugasemdir
