Alexander Már Þorláksson, sóknarmaður Fram, var gestur Ingólfs Sigurðssonar í síðasta þætti af Ástríðunni hér á Fótbolta.net þar sem fjallað er um neðri deildirnar.
Alexander Már var markahæsti leikmaður 3. deildarinnar í fyrra þegar hann skoraði 28 mörk í 21 leik með KF, sem fór upp um deild.
Rólegt hefur verið á félagaskiptamarkaðnum undanfarnar vikur vegna kórónuveirufaraldursins, en það gæti farið að bæta í þar þegar styttist í mót.
Alexander segist hafa heyrt að Jordan Tyler, fyrrum leikmaður Þróttar Vogum, Hattar og KF sé að koma aftur hingað til lands.
„Ég heyrði að Jordan Tyler sé að fara í Víði eða Kórdrengi, mér var sagt það," sagði Alexander, en bæði þessi lið leika í 2. deild karla.
Tyler meiddist hræðilega fyrir síðasta tímabil á gervigrasvelli á Selfossi. Jordan hefur að undanförnu verið að æfa vel í Bandaríkjunum.
Hlusta má á þáttinn hér að neðan.
Athugasemdir