Neil Peter skrifar við færslu Sky Sports: „Ég hafði enga skoðun á Watford fyrir þetta en þeirra hegðun hefur verið óboðleg í gegnum þetta ferli, taktík þeirra liggur í að sleppa við fall og er hún mjög auðlesin. Ég væri hneykslaður ef ég væri stuðningsmaður Watford."

Adrian Mariappa greindist með veiruna eftir skimanir þriðjudagsins en í dag bættust tveir í viðbót eftir skimanir föstudags. Þeir aðilar fara í viku einangrun. Mariappa er varnarmaður Watford og telur Peter að Watford sé með eitthvað plott á bakvið tjöldin.

Svar Kabasele: „Leyfðu mér að útskýra okkar taktík: Við sprautum einn með covid19 í hverri viku. Við veljum einn leikmann eða starfsmann og með þessu pössum við upp á að við þurfum ekki að spila aftur og komum í veg fyrir fall," skrifar Kabasele og bætir við kalli sem heldur utan um andlit sér til að sýna kaldhæðnina í skrifum sínum.