David Moyes, stjóri West Ham, kallar eftir útskýringum frá stjórnvöldum á því að stuðningsmenn mega ekki mæta á völlinn en geta horft á leikinn í kvikmyndahústi við hlið leikvangsins.
Vue kvikmyndahúsið, sem er í verslunarmiðstöð sem er í tíu mínútna göngufjarlægð frá London leikvangnum, sýnir leik West Ham og Manchester City sem verður í hádeginu á morgun.
Vue kvikmyndahúsið, sem er í verslunarmiðstöð sem er í tíu mínútna göngufjarlægð frá London leikvangnum, sýnir leik West Ham og Manchester City sem verður í hádeginu á morgun.
„Fólk mun horfa á leikinn í kvikmyndahúsi hérna rétt hjá. Af hverju getur það ekki verið utandyra í fersku lofti og í stúkunni?" spyr Moyes.
„Við verðum að fá útskýringar á því af hverju fólk fær ekki að mæta á völlinn. Er það út af almenningssamgöngunum eða kannski börunum? Við verðum að fá útskýringar."
Athugasemdir