Keflavík tilkynnti í dag um komu nýs markvarðar til félagsins. Mathias Rosenörn heitir hann og kemur á frjálsri sölu frá færeysku meisturunum í KÍ Klaksvík.
Fjallað var um áhuga Keflavíkur á markverðinum í síðustu viku.
Fjallað var um áhuga Keflavíkur á markverðinum í síðustu viku.
„Hann er fæddur 1993 og hefur leikið með Klaksvik í Færeyjum undanfarin 3 àr og unnið þar allt með þeim og var þar valinn besti markvörðurinn í deildinni. Hann lék með þeim í Evrópukeppni síðasta ár og stóð sig frábærlega," segir í tilkynningu Keflavíkur.
Sindri Kristinn Ólafsson hefur varið mark Keflavíkur undanfarin ár en í vetur samdi hann við FH.
Á síðasta tímabili fékk Mathias einungis á sig sjö mörk í 27 deildarleikjum. Hann er annar leikmaðurinn sem Keflavík fær í sínar raðir.
Komnir
Gunnlaugur Fannar Guðmundsson frá Kórdrengjum
Mathias Rosenörn frá Færeyjum
Farnir
Adam Ægir Pálsson í Val (var á láni frá Víkingi)
Dani Hatakka í FH
Ingimundur Aron Guðnason hættur
Joey Gibbs í Stjörnuna
Kian Williams til Kanada
Patrik Johannesen í Breiðablik
Rúnar Þór Sigurgeirsson til Öster
Sindri Kristinn Ólafsson til FH
Adam Árni Róbertsson í Þrótt Vogum
Athugasemdir
