Fékk góð ráð frá Sir Alex og símtal frá Elton John

Tom Cleverley segist hafa meiri metnað í þjálfun en hann hafði sem leikmaður. Þessi fyrrum leikmaður Manchester United, Watford og enska landsliðsins hefur stýrt Watford í síðustu sjö leikjum sem bráðabirgðastjóri.

Það hafa verið ör þjálfaraskipti hjá Watford síðustu ár. Cleverley er aðeins 34 ára og lagði skóna á hilluna í fyrra. Hann tók þá við U18 liði Watford en gerir nú sterkt tilkall til að vera ráðinn til frambúðar hjá aðalliðinu.

„Mér finnst ég eiga ókláruð verk frá leikmannaferlinum sem virka sem drifkraftur fyrir mig í þjálfuninni. Ég afrekaði ekkert í Meistaradeildinni með Manchester United, illinn sem við töpuðum til City, ég kom til Watford þegar liðið var í úrvalsdeildinni en hætti í Championship," segir Cleverley í viðtali við BBC.

„Mig skorti líklega metnað sem leikmaður en sem þjálfari hef ég gríðarlega mikinn metnað."