Jason Kidd
Fyrrum NBA-leikmaðurinn Jason Kidd er orðinn einn af eigendum enska úrvalsdeildarfélagsins Everton en þetta kemur fram í tilkynningu á heimasíðu félagsins í dag.
Kidd er 52 ára gamall Bandaríkjamaður sem er talinn einn af bestu körfuboltamönnum sinnar kynslóðar.
Hann var tíu sinnum í stjörnuliði ársins í NBA-deildinni og vann deildina einu sinni með Dallas Mavericks ásamt því að hreppa tvö Ólympíugull með bandaríska landsliðinu.
Friedkin-hópurinn keypti Everton undir lok síðasta árs og hafa fleiri fjárfestar bæst við hópinn.
Bandaríski milljarðarmæringurinn Christopher Sarofim bættist við hópinn í gær og er Kidd nú búinn að eignast hlut í félaginu.
„Það er heiður að koma inn í eigendahóp Everton á svona mikilvægum tímapunkti, þar sem nýr leikvangur er handan við hornið og framtíðin björt. Þetta er frábært augnablik til koma inn í þetta,“ sagði Kidd við heimasíðu Everton.
Kidd er í dag þjálfari Dallas Mavericks í NBA-deildinni en áður stýrði hann Brooklyn Nets og Milwaukee Bucks ásamt því að hafa verið aðstoðarþjálfari Los Angeles Lakers í tvö ár.
We are delighted to announce a further addition to the Club’s ownership group.
— Everton (@Everton) April 24, 2025
Jason Kidd, the Head Coach of the NBA’s @dallasmavs, has joined Roundhouse Capital Holdings, part of The Friedkin Group. ????
Athugasemdir
